TIA MARIA HO TIU ANTONIO KONTA MEHI BA MALU (luhu: 4)

Tiu Antonio: Mana Meri sei lembra ka lae, avisu resultado referendum ne iha sa data?

Tia Maria     : O dehan atu konta MEHI. Nusa mak husu fali data resultado referendum?

Tiu Antonio: Hau husu tamba MAHI ne relasiona ho data resultado referendum.

Tia Maria    : Resultado referendum ne tuir plano atu fo sai iha 7 Setembro 1999.

Tia Maria   : Mas la hatene tamba sa, derepenti deit, iha SABADO, 4 Setembro avisu sai tiha ona.

Tiu Antonio: Mana Meri hakarak hatene tamba sa mak data ne tenki muda?

Tia Maria    : O hanoin hau ne escola hasai kursu bot be ba hatene fali buat sira ne. 

Tiu Antonio: Tamba Timor nia istoria ne relasiona ho Dez Mandamentos.

Tia Maria    : O kulia buat ida que halo hau confusaun. Hau la intende liu

Tiu Antonio:  Timor nia istoria fukun relasiona ho Nai Maromak nia Ukun Fuan.

Tia Maria     : Eee pai Toi bonito, Nai Maromak Nia Ukun Fuan ne iha Sanulu kedan.

Tia Maria    : Ne be ita nia istoria nia fukun ne refere ba Nai Maromak Nia Ukun Fuan hira?

Tiu Antonio: Ukun Fuan 4 (Quarto Mandamento).

Tia Maria   : Ukun Fuan 4 ne mak; Sei amtauk, amdomi aman, inan no NAI ULUN SIRA.

Tiu Antonio: Iha lian Indonesia, Ukun Fuan 4 dehan nusa?

Tia Maria: Hormatilah Ibu Bapamu.

Tiu Antonio: Be halo nusaa mak iha lian Tetun iha tan fraza “NAI ULUN SIRA?”

Tiu Antonio: Fontes ne ida deit. Depois mak traduz ba lian oi-oin iha mundo.

Tiu Antonio: Nusa mak iha lian Indonesia: Hormatilah Ibu Bapamu

Tiu Antonio: Iha fali lian Tetun: Amtauk amdomi aman, inan ho NAI ULUN SIRA?

Tiu Antonio: Entre tradusaun lian rua ne, com certeza ida la loos tiha ona.

Tia Maria: Ne O ba husu rasik ba Padre sira hodi esplika ba O. Hau mak hatene ka?

Tia Maria: Hau nian mak ida domingo ho loron bot ba tuir missa tomak.

Tia Maria: Depois nia relasaun ho Timor nia istoria oin sa los? O keta naran inventa.

Tia Maria: Hormatilah Ibu Bapamu ho Timor nia istoria ne logika la iha liu Pai Toi.  

Tiu Antonio: Ooo…Nain JESUS, Nossa Senhora Virgem Maria, Mae do Ceu.

Tia Maria   : Nusaa fali ona? Be hau kulia sala ka?

Tiu Antonio: Hau lakohi kategoria mana Meri nia versaun kona ba Ukun Fuan 4 ne sala ka loos.

Tia Maria   : Depois nusa mak tenki temi Nain JESUS ho Nossa Senhora nia naran?

Tiu Antonio: Mmmmmhhh…..KUMALADI (Kulia Mak Ladiak).

Tiu Antonio: Hau tauk fali atu dehan buat ne abertamente.

Tia Maria: Tauk saida nian? Hau ho Ida leten mak hatene. Kulia avontade.

Tiu Antonio: Keta halo ba be hau hetan desconfessa no descomunga husi Padre sira.

Tia Maria: Se mak atu EMBER tuun sae fali be O hodi hetan desconfessa no descomunga?

Tiu Antonio: Hanesan ne Mana Meri. Rona didiak mai. Mas mak ne. Ida ne segredo itrua nian.

Tiu Antonio: Mana Meri nia resposta kona ba Ukun Fuan 4 ne bazeia ba ROMA nia doutrina.

Tiu Antonio: ROMA nia doutrina mak dehan nunee. Mas laos Nai Maromak Nia dutrina.

Tiu Antonio: Tan tuir buat nebee Profeita Moises simu iha Foho Sinai, Ukun Fuan 4 laos nunee.

Tia Maria   : Eeeh pai Toi oan. O keta nar-naran inventa aan. O haan sala karik?

Tia Maria  : O reza Ami AMAN deit la loos tiha ona. O sei hakarak kulia manggame taan.

Tiu Antonio: Bem, hau reza Ami AMAN la loss. Mas maezinha rona lai hau didiak.

Tiu Antonio: Hau kulia bazeia ba buat nebee BIBLIA hakerek. Laos kulia tuir hau nia gostu.

Tiu Antonio: Mana Meri ba loke took Biblia, lee didiak fali kona ba “Dez Mandamentos”.

Tia Maria    : Hau lakohi tan rona O kulia manggame. Konta mak MEHI ne mai agora.

Tiu Antonio: Be MEHI ne mak hau dehan dadauk ne, relasiona ho Ukun Fuan 4.

Tio Antonio: Maezinha sei lembra saida mak maezinha hatama hela iha LUHU 3?

Tia Maria   : Hau haluha tiha ona hau hatama saida deit iha LUHU 3.

Tiu Antonio: Maezinha sei hanoin ACU SABAT ka lae?

Tia Maria   : Sim, ACU SABAT ne ami KEMAKA mak bolu ATSABE ne ACU SABAT.

Tiu Antonio: Afinal maezinha gavasola ACU SABAT mas la hatene ACU SABAT ne signifika saida?

Tia Maria  : Be O fali hatene saida kona ba ACU SABAT? O hatene liu fali ami KEMAKA?

Tiu Antonio: Rona didiak mana Meri bonitinha.

Tiu Antonio: ACU SABAT ne refere ba Nai Maromak Nia Ukun Fuan 4.

Tia Maria   : Pai Toi, Doutrina ROMA la dehan took Ukun Fuan 4 ne naran ACU SABAT.

Tiu Antonio: Amoor…kulia nee sukat nanaal. Keta halimar ho Nai Maromak Nia Ukun Fuan.

Tia Maria: Be hau kulia sala seda fali ona mak O la diak loos nee?

Tiu Antonio: Hau MEHI dehan ita nia rain ne sei enfrenta problema boot iha futuro.

Tiu Antonio: Kintu Governo sei bele monu iha dalan klaran tan deit Ukun Fuan 4.

Tiu Antonio: La monu so sira hatene esplika tamba sa Koligasaun Partido 3 ho 40 kadeiras?

Tia Maria: Kintu Governo monu tamba deit Ukun Fuan 4? Hau la hetan nia logika Pai Toi.

Tia Maria: O halo hau confusaun liu tan. Ukun Fuan 4 ho Timor nia istoria? Logika iha nebee?

Tiu Antonio: Hau mak Primeiro Ministro, hau husu Assesor ruma tenki esplika didiak.

Tiu Antonio: Nusa mak Partido 3 halo Koligasaun ho Kadeira 40 iha Parlamento?

Tiu Antonio: Nao me digas Assesor manan osan boot saugate deit mas la hatene esplika?

Tia Maria: Be se O hatene esplika nusa mak O mak la ba sai Asessor Primeiro Ministro?

Tiu Antonio: Hau atu sai Assesor halo nusa, be politika deit hau la mete tiha ona. 

Tia Maria: Hau atu honesta deit, hau la hetan logika entre Ukun Fuan 4 ho Kintu Governo sei monu?

Tiu Antonio: Hakarak hetan nia logika mak nee? Ita manan funu ho kilat musan ka ho pregu?