TIA MARIA HO TIU ANTONIO KONTA MEHI BA MALU (luhu: 1)

Tiu Antonio: "Da-me licenca uma nain. Bom dia maezinha bonita. Diak ka lae?"

Tia Maria  : "Bom dia pai Toi bonito. Diak ka lae? Kleur la haree O nia oin. Ba nebee deit?"

Tiu Antonio : “Hau iha hela deit Dili sa doben diak”.

Tia Maria   : “Para tiha ho lia fuan doben diak ne’e”. O han sala ka?”

Tiu Antonio:  “Atu ba fali nebee, buat diak ka aat hot-hotu konsentra iha Dili”

Tiu Antonio: “Governo la loke desenvolvimento ba distritos”.

Tia Maria   : “Ida fali mos mak ne. Ema kiik boot, ema aat diak, mai para hotu iha Dili”.

Tiu Antonio : “Hau saudades los, tan kleur la haree O nia bonita oan nee”.

Tia Maria     : “Hiisss… O biasa tiha deit ba la diak ka? Fiu balu kotu karik?"

Tia Maria     : “Orsida be manas la sae O nia isin mak O haree”.

Tiu Antonio : “Com zeitu i kaaalma maezinha. Keta nakalin arbiru”.

Tiu Antonio: “Buat hotu quando ita hasoru ho kalma, nia resultadu sempre diak”.  

Tia Maria     : “O mak tuir loos sai FRETILIN nia ulun bot sira para akalma nia militantes”.

Tiu Antonio: "Tamba bal-balu kulia la sukat nanal. Hanesan fali FRETILIN ne naok ten ka".

Tia Maria: "Ne mak hau dehan nee, O merese sai FRETILIN nia ulun boot".

Tiu Antonio : “Abiin…hori uluk hori wain, hau mak la mehi sai politiku nain”.

Tiu Antonio:  “Sai politiku nain iha Timor nee ita bele bulak lalais ou mate lalais”.

Tiu Antonio: "Katuas Mari ida nia mae mak suku bandeira Timor, ema sei atu oho".

Tia Maria     : “Ne loos duni.  Sai politiku nain iha Timor ne mehi aat".
Tia Maria: "Katuas Xanana nia FOTO deit ema foti ba taka fali iha fahi ulun”.

Tiu Antonio: “Hmmmm…!!! Buat ruma la diak ona".
Tiu Antonio: "Bal-balu kal gosta fali Maun Bot X ona mak buka FOTO deit nee”.

Tiu Antonio: “Hahaaeee….loooiiiii…….hau atu mate". 

Tiu Antonio: "Foti deit tudik ida mai sona hau nia fuan, doben”.

Tia Maria    : ”Hiiisss…O para siumis ida pai Toi. 

Tia Maria: "Oin hanesan O mak lae tiha deit”.

Tiu Antonio: “Siumis ba manan saida, hau  nia doben diak”.

Tiu Antonio: “Itrua nee ain sorin iha hela rai kuak ibun ona”.
Tiu Antonio: "Itrua ne BAU TANAH ona abiin....". La goza barak ona".

Tia Maria    : “O duni. Laos hau. Mak lae tiha deit  pai Toi bonito”.

Tia Maria   : “Hau sa sei hakarak moris tan tinan rihun ida hodi goza lai”.

Tia Maria   : “Uluk tempo Indonesia terus ona, agora tenki goza to huun didiak”.

Tiu Antonio: “Bal-balu hau here fihir hela deit Maun Bot X nia FOTO mak nee”.

Tiu Antonio: “Ne kal iha laran reza hela hodi hein telfone”.

Tiu Antonio: “Ohin hau haree ba sosa lilin iha kios ne kal atu NOVENA fali ona”.

Tia Maria : “O hanoin hau nee feto ambisioza ka, mate restu ida nee”.

Tiu Antonio: “Keta halo ba be telfone lian, dehan; “Hau foti O ba MINISTRA Feto Timor”.

Tiu Antonio: “O sai Ministra sa, kal hau vida diak hotu”. Be DOBEN ne coy”.

Tia Maria: “Kulia tan dala ida, be manas ne sae kedan O nia isin”.

Tiu Antonio: “Hodi kalan hau MEHI dehan V Governo nee BUBU LOOS”.

Tia Maria: “Saida mak BUBU fali ona?” Kulia buat ne kulia loloos”.

Tia Maria: “O kulia hanesan manduku iha hela O nia kakorok talin”.
Tia Maria: "Buat BUBU ne so ema mate mak BUBU".

Tiu Antonio: “Hau mak MEHI deit sa. V Governo nee nia strutura monta ema barak liu”.

Tiu Antonio: "Monta ema barak mak KORUPTOR hotu sa, Timor ba duni ona rai kuak".

Tia Maria: “Keta tamba atu bolu tan FRETILIN tama V Governo karik?”

Tiu Antonio: “Hahaaeee....loooiiii….!!! Ne manu Timor laran nehan moris hotu”.